[53] เหตุํ จิตฺตสํสฏฺฐสมุฏฺฐานสหภุํ ธมฺมํ ปฏิจฺจ เหตุ จิตฺตสํสฏฺฐสมุฏฺฐานสหภู ธมฺโม อุปฺปชฺชติ เหตุปจฺจยาฯ (สพฺพตฺถ นวฯ)
นเหตุํ โนจิตฺตสํสฏฺฐสมุฏฺฐานสหภุํ ธมฺมํ ปฏิจฺจ นเหตุ โนจิตฺตสํสฏฺฐสมุฏฺฐานสหภู ธมฺโม อุปฺปชฺชติ เหตุปจฺจยาฯ (สพฺพตฺถ เอกํ, สพฺพตฺถ วิตฺถาโรฯ)
1-64. เหตุทุก-จิตฺตสํสฏฺฐสมุฏฺฐานานุปริวตฺติทุกํ
[54] เหตุํ จิตฺตสํสฏฺฐสมุฏฺฐานานุปริวตฺติํ ธมฺมํ ปฏิจฺจ เหตุ จิตฺตสํสฏฺฐสมุฏฺฐานานุปริวตฺตี ธมฺโม อุปฺปชฺชติ เหตุปจฺจยาฯ (สพฺพตฺถ นวฯ)
นเหตุํ โนจิตฺตสํสฏฺฐสมุฏฺฐานานุปริวตฺติํ ธมฺมํ ปฏิจฺจ นเหตุ โนจิตฺตสํสฏฺฐสมุฏฺฐานานุปริวตฺตี ธมฺโม อุปฺปชฺชติ เหตุปจฺจยาฯ (สพฺพตฺถ เอกํ, สพฺพตฺถ วิตฺถาโรฯ)
1-65. เหตุทุก-อชฺฌตฺติกทุกํ
[55] นเหตุํ อชฺฌตฺติกํ ธมฺมํ ปฏิจฺจ นเหตุ อชฺฌตฺติโก ธมฺโม อุปฺปชฺชติ เหตุปจฺจยาฯ (สพฺพตฺถ เอกํ, สพฺพตฺถ วิตฺถาโรฯ)
เหตุํ พาหิรํ ธมฺมํ ปฏิจฺจ เหตุ พาหิโร ธมฺโม อุปฺปชฺชติ เหตุปจฺจยาฯ (สพฺพตฺถ นว, สพฺพตฺถ วิตฺถาโรฯ)
1-66. เหตุทุก-อุปาทาทุกํ
[56] เหตุํ โนอุปาทา ธมฺมํ ปฏิจฺจ เหตุ โนอุปาทา ธมฺโม อุปฺปชฺชติ เหตุปจฺจยาฯ (สํขิตฺตํฯ)
เหตุยา นว…เป.… อวิคเต นวฯ (สํขิตฺตํฯ สพฺพตฺถ วิตฺถาโรฯ)
1-67. เหตุทุก-อุปาทินฺนทุกํ
[57] เหตุํ อุปาทินฺนํ ธมฺมํ ปฏิจฺจ เหตุ อุปาทินฺโน ธมฺโม อุปฺปชฺชติ เหตุปจฺจยาฯ (สํขิตฺตํฯ)
เหตุยา นว…เป.… อวิคเต นวฯ (สพฺพตฺถ วิตฺถาโรฯ)
เหตุํ อนุปาทินฺนํ ธมฺมํ ปฏิจฺจ เหตุ อนุปาทินฺโน ธมฺโม อุปฺปชฺชติ เหตุปจฺจยาฯ (สํขิตฺตํฯ)
เหตุยา นว…เป.… อวิคเต นวฯ (สพฺพตฺถ วิตฺถาโรฯ)
เหตุทุกมหนฺตรทุกํ นิฏฺฐิตํฯ
1-68-72. เหตุทุก-อุปาทานโคจฺฉกํ
[58] เหตุํ อุปาทานํ ธมฺมํ ปฏิจฺจ นเหตุ อุปาทาโน ธมฺโม อุปฺปชฺชติ เหตุปจฺจยาฯ
เหตุยา ทฺเว…เป.… อวิคเต ทฺเวฯ (สํขิตฺตํฯ)
1-74-81. เหตุทุก-กิเลสโคจฺฉกํ
[59] เหตุํ กิเลสํ ธมฺมํ ปฏิจฺจ เหตุ กิเลโส ธมฺโม อุปฺปชฺชติ เหตุปจฺจยาฯ
เหตุยา นว…เป.… อวิคเต นวฯ (สํขิตฺตํฯ)
1-82. เหตุทุก-ปิฏฺฐิทุกํ
[60] เหตุํ ทสฺสเนน ปหาตพฺพํ ธมฺมํ ปฏิจฺจ เหตุ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ (สพฺพตฺถ นว, วิปากํ นตฺถิฯ)
เหตุํ นทสฺสเนน ปหาตพฺพํ ธมฺมํ ปฏิจฺจ เหตุ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ (สพฺพตฺถ นว, วิปากํ นตฺถิฯ)
[61] เหตุํ ภาวนาย ปหาตพฺพํ ธมฺมํ ปฏิจฺจ เหตุ ภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ (สพฺพตฺถ นว, วิปากํ นตฺถิฯ)
เหตุํ นภาวนาย ปหาตพฺพํ ธมฺมํ ปฏิจฺจ เหตุ นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ (สพฺพตฺถ นว, วิปากํ นตฺถิฯ)
[62] เหตุํ ทสฺสเนน ปหาตพฺพเหตุกํ ธมฺมํ ปฏิจฺจ เหตุ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยาฯ (สพฺพตฺถ นวฯ)
เหตุํ นทสฺสเนน ปหาตพฺพเหตุกํ ธมฺมํ ปฏิจฺจ เหตุ นทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยาฯ (สพฺพตฺถ นวฯ)
